تعمل ايه لو دى بنتك
بسنت فيزياء, استيقظت الام من نومها كالعادة واعدت طعام الافطار ونادت على ابنائها فحضروا لها جميعا سوى ابنتها سلوى فغضبت الام وظنت انها لم تستيسقظ بعد وذهبت لايقاظها ولكن كانت المفاجئة عندما دخلت عليها حجرتها لم تجدها بالداخل ولم تجد متعلقاتها ايضا ولكنها وجدت خطاب موجود على مكتبها فجلست لتقراه وكان هذا ما قرأت
"ماما حبيبتى سامحينى انامكنتش عايزة اسيبكم بس الظروف كانت اقوى منى انا بس بحب واحد حب جنونى ومقدرش استغنى عنه وعشان كده انا هربت معاه عشان اقضى بقيت حياتى جنبه طبعا انتى هتسالينى اطيب ليه مجاش واتقدملى واتجوزنا هقولك عشان احنا فعلا متجوزين بس عرفى وهوة مش راضى يكتب عليا رسمى فقلت اهرب معاه احسن من الفضيحة اصلى حامل منه ياماما بس مش ديه المشكلة
المشكلة انه طلع عنده الايدز وانا كده اكيد بقيت واخدة المرض منه بس مش ديه المهم
المهم انه طلع بيتاجر فى المخدرات والبوليس بيدور عليه ولازم اهرب معاه والا هيمسكونا فهوة قرر اننا نهرب برا مصر وانا هيشغلنى رقاصة عشان نصرف على ابننا سامحينى يا ماما
ملحوظة كل اللى انتى قريتيه ده كدب ومحصلش انا بس النتيجة بتاعتى ظهرت وانا طلعت بمواد
شفتى بقا ان فيه مصايب كتير ممكن تحصلى اكبر من انى اطلع بمواد
انا مهربتش لما تهدى انا عند الجيران نادى عليا من الشباك سلام "
انتهت.
الام اكيد ماتت بالسكته القلبيه
الأحد 19 سبتمبر 2010 - 17:16
