لو انت مخنوق او متضايق او مهموم ونفسك تضحك من قلبك اسمع النكت دى

بسم الله الرحمن الرحيم

اكبر مجموعه نكت لتجديد شباب القلب " الضحك من قلبك "

هذه ثانى مشاركه بين love 2009 و hasnaa

اولا : مجموعه النكت من hasnaa :-

مرة مدرس رياضة اتجوز مدرسة رياضة خلفوا ولد متساوىالساقين

واحده كل ما تخرج تتعاكس راحت لشيخ قالت له رجعنى لعهد الرسول خرجت شافها ابو لهب فقالها واللاتى والعزى انكى لموزه

مستعبط اتجوز مستعبطه خلفوا عيل مستهبل استعبط وعمل ميت استهبلو ودفنوه

الحياه لحظات ..... بسمات ..... دمعات ..... لقاءات ...... فراقات ...... شربات فنلات مناديل ....... اى حاجه ب 2.5

الواد كوكاكولا لقى الواد ببسى بيعاكس اخته فانتا قلع انا سبورت عليك كتير وليك سفن اب يترد عليه

واحد ركل القطر جنب صعيدى قال : انا بردان من الشباك

قاله : وانا عوضين من اسيوط

مسطول اتصل بالمطافى قالهم يعنى لو احنا ما اتصلناش انتو متسالوش

صعيدى حب يعمل مفاجاه لمراته فى عيد ميلادها 00000 طلقها

قال الشاعر : فاذا الهموم على الاكتاف تشعبطت فضحك وقولها "انزلى يا ختى "

واحد مسطول شاف قطه اخدها البيت لمراته وقالها شايفه القرد مراته قالتله دى قطه يا منيل قالها حد كلمك انا بكلم القطه

ثانيا : مجموعه النكت من love 2009 :-

مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه

مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

مرة واحد رخم اوى وقع في حفرة ، قال احسن

مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا اسد أكلنى.. ارتحت

مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.

مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ

واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

5 فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها

مره نكته ماشية بتعيط ليه؟؟ عشان واحد ضحك عليها

غبي دافن نصه في الارض ليه ؟ بيصور فيديوكليب انا عايش ومش عايش

س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع

عايزين ندخل فيل جوة الكباية نعمل ايه؟ نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية

لية بلديتنا بيلبس تي شيرت علية قطة ؟عشان الفار ميلعبش في عبة

مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه

مرة واحد راح يشترى ساعة لقاها غالية اشترى 5 دقايق

واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع

كان فيه سفينه طالعه في البحر وكانت مليانه بنات وبعدين السفينة عطلت وكل اللى فيها غرقوا ما عدا واحده عارفين ليه ما غرقتش ؟ علشان كان اسمها بطه

جماعه مساطيل عملوا اتوبيس بيمشي بالعرض لييييه؟ عشان كلهم يركبوا قدام

مرة واحد كل ما يشوف البرق يضحك ليه ؟ عشان يطلع حلو فى الصورة

مره واحد ابنه طلع من الأوائل عمل ايه ؟؟؟؟ شفره

واحد جـزار ضرب بنته علقة سخنة جدا .. ليه ؟؟؟ ضبــــطها مــاشيـــة مــع عجــــل

واحد بلدياتى واقف قدامه خمس شياطين ليه ....؟؟؟ واحد يوسوسله و اربعه يفهموه

نتمنى ان تنال اعجابكم

مع اطيب تحياتنا لكم

love 2009 & hasnaa

_________________

اذا لم تجمعنا الايام جمعتنا الذكريات واذا العين لم تراك فالقلب لن ينساك

لقد قررت ان اتخذ طريقا يبعدنى عن التعامل مع الناس وهو طريقى الى طاعه الله ولن اتعامل مع من يقيد حريتى ومن يظلم بريئا لسوء الظن فيه فانه يعتبر ظالما امام الله "ما اجمل الحياه فى طاعه الله"

لو انت مخنوق او متضايق او مهموم ونفسك تضحك من قلبك اسمع النكت دى 08aa353189

لو انت مخنوق او متضايق او مهموم ونفسك تضحك من قلبك اسمع النكت دى 08aa353189

لو انت مخنوق او متضايق او مهموم ونفسك تضحك من قلبك اسمع النكت دى C113a9b378

هههههه حلوين اوى خصوصا بتوع الصعيدة دول ههه .ربنا ييفرحنا ويضحكنا دايما كلنا

الف شكر على مرورك يا جمبل
نورتى التويبك

_________________

اذا لم تجمعنا الايام جمعتنا الذكريات واذا العين لم تراك فالقلب لن ينساك

لقد قررت ان اتخذ طريقا يبعدنى عن التعامل مع الناس وهو طريقى الى طاعه الله ولن اتعامل مع من يقيد حريتى ومن يظلم بريئا لسوء الظن فيه فانه يعتبر ظالما امام الله "ما اجمل الحياه فى طاعه الله"

لو انت مخنوق او متضايق او مهموم ونفسك تضحك من قلبك اسمع النكت دى 08aa353189

هههههههههههههههههههه

موضوع حلو يا مصطفى تسلم ايدك

_________________
لا اله الا الله . عدد الليالي والدهور. . عدد أمواج البحور. . عدد الرياح في البراري والصخور. . من يومنا هذا إلى يوم ينفخ في الصور. لا إله إلا الله . لو انت مخنوق او متضايق او مهموم ونفسك تضحك من قلبك اسمع النكت دى <a href=

لو انت مخنوق او متضايق او مهموم ونفسك تضحك من قلبك اسمع النكت دى <a href=

لو انت مخنوق او متضايق او مهموم ونفسك تضحك من قلبك اسمع النكت دى 374622312

" />

[i]بجد موضوع يجنن يا درش ونكت هايلة وكلها ضحك يارب ديما نبقى فرحنين

الف شكر على مروركم
نورتوا التويبك

» سؤال عايز اسمع ردكم فيه ...؟
» هل تجد قلبك ؟؟؟؟