حب نتاوي

حب نتاوي
احلي حاجه في الدنيا لما تلاقي اتنين بيحبوا بعض عالنت ............ والاجمل من كده لما تشوف حبهم عامل ازاي ........... المره دي هاحكلكم قصه حب نتاوي بس هاجي علي الرجاله شوية ومتعتبرهاش تفرقه عنصريه ........... واحد بيحب واحده عالنت ....... في الاول يبقي ولد مؤدب وجركن ( جينتل ) وجان ويعني يترسم عليها وكانه من كوكب تاني ....... واول مالبنت تميل يتقلب الحال نبدا بقا في التخبيط في الحلل ( علي راي جماعه اصحابي ) الحب في نظره ايه؟ .......... بوس واحضان وكلام تاني ( يعني سرير ) ماعلينا المهم البنت من حبها ليه تسلم وهو ماشيه معاه حلاوة ......... يومين ويعدوا ........ نيجي بقا للمواجهة لو بنت فهمت قصده تقوله ايه ؟ مش عيب اللي بتعمله ده هي بنات الناس لعبه لو عاوز حاجه زي دي في ناس للكلام ده ......... ياحاسرة شوف رده هيكون ازاي ........... فعلا البنات اللي ممكن اعمل معاهم كده كتير قوي عالنت ويتمنوا بس محبتش اعمل كده غير مع البنت اللي انا حبيتها وسلمت ليها نفسي وكياني وزوجتكي نفسي .......... يعيني سلم نفسه يااخواتي ...... مبقاش عزراء ......... البنت تحتار متعرفش تقوله ايه وترد عليه ازاي اخر متزهق تقولوا ياريت منتكلمش في المواضيع تاني لان ده حراااااااااااااااام ولو بتحبني متتكلمش فيها ........... الواد الثوثة يتقمص ( يعني يزعل ) وكانها اديته المين علي سداغه (خدودو) ويعمل فيها ابوا كرامه مجروحه ................ انتي مبتحبنيش انا بحاول اعبرلك علي جوايه بحاول اعيش قصه حب معشهاش حبيبين قبل كده قصه حب فريده من نوعها ( هي فعلا فريدة ) انت شكلك بتدوري علي عريس والسلام وانا عمري مهتجوز واحده كل همها تتجوز وبس مش بتحبني اعيش معاها ازاي ( انت بتاع جواز انت هما يومين ) انتي متنفعيش تكوني زوجتي انا عاوز واحده تحس بيه وبمشاعري نكون احنا الاتنين جسد واحد ( اظن الكلام مفهوم ) وسعتها هتكون زوجتي ( زواج نتاوي وهذه قصه اخري ) ويروح عامل نفسه اوف لاين ياسلام والبنت تولع في نفسها ولو في تليفونات تتقفل ....... وده اسمه حب ( ياخساره ) اللي بيحب حد بيخاف عليه وميرضاش يجرحه حتي في مشاعره مابالكم باللي عاوزها تفرط في اعز ماتملك ؟؟؟؟؟؟؟؟؟ وسعتها تكون حبيته قولولي بعد متفرط في اعز ماتملك عشان بتحبه بيحصل ايه يبقي هو حقر منها خلاها تتساوا مع البنات اياهم ( مش هاقول بنات الليل لانهم شغالين ليل ونهار ودي قصه تانيه ) وهو في المقابل ادملها ايه تعبيرا عن حبه ؟ ده حب؟ وبعد مينول مراده تيجي تساله انت ممكن تتجوزها ؟ يقولك بمنتهي البجاحه ........ لا طبعا ......... ليه بقا ؟ .... وانا اضمن منين انها متعملش مع غيري زي معملت معايه ......... يابني ادم ( مش شتيمه علي فكرة ) دانت اول واحد بشهاده منك ........ وتعال هنا .. يعني انت اللي تتأمن واحد زيك يحط نفسه مكان بباها لو بنتك هتقبل عليها كده ......... بنتي ايه ياعم الحج دانا هربيها احسن تربيه وعمرها متعمل كده دول بنات (...........) طيب سؤال اخير هنفرض انك اتجوزت هتفضل كده ؟ .......... كل يوم تتضحكلك علي واحده شكل علي راي المثل ( ديل ....... عمره مينعدل ولو حاطوا فيه قالب ) انت تبقي رب اسرة وتكون مثل اعلي لاولادك ولا هاتعيش بشخصيتين وحدة عالنت وواحده في البيت ( الدكاتره النفسين هيهيصوا ) وغير كده وكده ايه كل مولد يتزنق يقول زوجتكي نفسي؟ هي دي لعبه ؟ الكلمه دي ليها قواعد واصول مش تتقال كده في اي وقت بدون منفهمها او نحترمها ( ودي قصه تانيه هناقشها مرة تانيه ) والحاجه الاخيرة اللي ممكن اقولها ........ استغفر الله العظيم

والله فعلا كلام سليم

الفكرة كلها أن الموضوع بيدأ بتنازل بسيط لأن البداية مش هتكون بتنازل كبير
ولكن ما أن يتم هذا التنازل الصغير حتى تبدأ التنازلات التي لا تنتهي

مع العلم بأنه قد يتم تسجيل وحفظ مثل هذه المحادثات ويتم التهديد بها بعد ذلك في حالة عدم الإستفادة ..

شكر الله لك ..

اشكر السادة المشرفين على ردودهم الجميله ومواضيعهم الجميلة

وحقيقا انا تاثرت بهذا الكلام الجميل

واتمنى لكم المزيد من التوفيق باذن الله تعالى

مع تحيات

الادارة

فعلا كلامك سليم وفعلا ان الموضوع بيبدا بتنازل ولو ببسيط وكمان الكدب على النت مش فى الحب بس كمان فى اللعب بالمشاعر وبتاثرك بالحوليك تلاقى الى يقولك تعبان وبموت وادعيلى وانتى تكونى زعلانة علية وصعبان عليكى وتدعيلة وتبقى عاوزة تساعدية ويطلع كدب ووهم وان قلبك وجعك على انسان ميستهلش حتى انك تفتكرية وتدعيلة وحاجات من كدة كتير بس ربنا يحمى الجميع .
موضوع جميل وتجربة تستحق ان ناخذ منها عبرة .نتمنى المزيد