الفرق بين الطلبة الفاشلين والمتفوقين في الجامعه

بمناسبة بداية الدراسة انا قريت الموضوع ده وعجبنى وقلت اجيبه علشان اعرف رايكم

.
.
.
.
.
..
.
.
.


الفرق بين الطلبة الفاشلين والمتفوقين فالجامعة

الفاشلين:بيحضروا المحاضرة بعد نص ساعه أو ساعه
المتفوقين:
ييجو قبل المحاضره بنص ساعه عشان يحجزوا

الفاشلين::ممكن يقعدوا في البنش الخامس أو السادس أوالسابع أو .................

المتفوقين::الواحد منهم لو ماقعدش في البنش الأول , أو – لاقدر الله – التاني , ممكن يجيلو سكتة قلبية , وحالته النفساوية تتدهور, ومش بعيد يخرج بعد المحاضرة يبعت مشكلته لمحمود سعد في البيت بيتك, يطالبه بضرورة تدخل السيد المسؤول وزير التعليم العالي عشان يصدر أوامره للدكتور عشان يعيد المحاضرة , بعد ما هو يقعد في أول بنش

وزي ما واحده زميلتي قالتلي : أنا مبحبش أشوف راس حد في المحاضرة الا راس الدكتور .(الكبير كبير)


الفاشلين: : ممكن يجيبوا معانا بالكتير كراسه 24 ورقة , مقطوع منها 6 ورقات , وقلم جاف يا اما خلصان , يا اما بيقطع.



المتفوقين: : أولا لازم يكون معاهم شنطة , فيها ايييييييييييييه ؟

فيها كشكول محاضرات مش أقل من 200 صفحة (لو 199 يرميه ويجيب غيره )

أقلام جاف بجميع الالوان والاشكال (من أول القلم الي بيتكتك , والقلم الفرنساوي أبو نص جنيه , لغاية القلم الي مركبين فيه لمبه وبينور في الضلمة)

أقلام سنون(5ملم عشان الكتابة , و7ملم عشان الرسومات)

ورق فلوسكاب ودباسة عشان لو فيه امتحان ولا حاجه(الاحتياط واجب برضه)
وكمان الشنطة فيها (كتاب المادة , ملخصات في المادة , مسائل في المادة , حبشتكنات في المادة)
الفاشلين: : لو غابوا محاضرة.........................عاااااااااااااااادي



المتفوقين : لو صحي في يوم ولاقي معاد المحاضرة فات , هيمسك المنبه ويكسره 100 حته , ويطلع علي الصالة ويقول بأعلي صوته : وااااااااه مصيبتاه ........ واااااااااااه أسفاه .......... وااااااااا لهواه , ولما الام تصحا مفزوعة علي صوتة , تجري عليه وتقوله ( مالك يا ضنايا حد من اخواتك جراله حاجه؟ ) , يرد عليها : المصيبة أكبر , لقد ضاعت المحاضرة يا أماه , وطبعا الرد الطبيعي من الام:معلش يابني انا لله وانا اليه راجعون

___________________
منقول
اتمنى ان تنال اعجابكم

هههههههههههههههه
تسلم ايدك
موضوع جميل
طبعا كلنا من النوع التانى
اللي بنقعد في سابع بنش طبعا
ولا في حد هنا اعوذ بالله من النوع الاولانى

hhhhhhhhhhhhhhhhhhhhhhhhh 7elwa 2awyyyyyyyyyyyyyyyy w enty tab3an 3arfa e7na mn ay noo3 ana mmkn aro7 mn 3'er 2alam aw war2a 7ata aktb 3aleha w ma a7la elnoom 3la elbensh allaaaaaaaaah bgd a7la ayam rabena ye3adeha 3la 5er

w nseety t2oly en elbench el awel bywaf2o 3la ay exam f ay wa2t w e7na dayman mo3tardeen 3la ay 7aga

ايه ده يا مصطفي ؟
اول وتانى سنة
دا انت علي كده كنت من النوع التانى الوحش ده
وحياتك انا هو اول يوم في سنة اولي اول محاضرة بس
حاليا انا بتخانق مع اصحابي علي اخر بنش
اصله تقريبا بيكون بالحجز مش وخلاص كده

طبعا يا سلمى احنا من النوع الاكثر انتشارا
بتاع البنشات الاولي من ورا
ههههههههه
بس انتى عارفه والله انا ساعات بروح من غير اي حاجه ولا حتى شنطة ايدى
مش يقولك كام قلم وكشكول حبشتكانات
بس عندك حق في حكاية النوم دى
في دكاترة تحسي اول ما تبصي في وشوشهم انهم بينيموكى تنويم مغناطيسي
ههههههههههههههه
بجد والله تحسي ان الدكتور مش بيشرح لاء بيقولك ناااامى نااااااااااامى
والله انا ساعات بروح محاضرات معينة عشان انام بس مش اكتر
اما حكاية الناس بتوع البنش الاول دول ربنا يسامحهم بقي
السنة كلها يبهدلوا فينا امتحانات وابحاث
ياللا ربنا يساعدنا ع السنة الباقية

ايوا ايوا اعترفى اعترفى
ههههههههههههههه
بتروحى علشان تنامى طب كويس اوووووووووى
فشله
ههههههههه

ايه ده انت هتزلنى ولا ايه
صدق اللي قال
الاعتراف بالحق فضيحة
انا شكلي سيحت لنفسي
طب خلاص
مش هقول حاجه تانى

طيب كويس طلعنا كلنا في الهوا سوا
والله انا خايفه من اخر سنة دى
شكلها ولا محاضرات ولا حتى سكاشن
البنات بيقولوا عايزين نشبع من بعض

wla yehmk ya malak ya7abebty e7na motfawkeen w gamdeen 2awy bs e7na elly msh 3awzen nbayen w eh ya3ny lma nnam bnraya7 3lshan nes7a nel7a2 nrakez f a5r 7aga f elmo7adra 3ady ya3ny w hately 7ad 3'er el bensh el awel msh by3ml keda eh ana elly hafhmk bardo w rabena ye5alelna el benshat el a5era ya raaaab

هههههههههههههه
نورتي التوبيك يا سلمى يا عسل
وفعلا علي رايك احنا بنام عشان نلحق نصحى نركز في اخر حاجه
شكرا ليكى يا قمر