ثلاثين جمله 95% من الشباب بيقولوها للبنات

-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
21- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

26- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

28- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)



خلينى جمبك ضم ألبى فى عز شوئى ,,,, محتاج لحبك بعد طول صبر اليالى ,,,,,نظرة عنيك بتنور الدنيا فى عنيا,,,,, يما نفسى أقولك ألف حاجةليك فى باااااااااالى
خلينى جمـــــــــــــــــــــــ ــبك ضم ألبــــــــــــــى فى عز شوئـــــــــى

باشا والله من يومك التوبيك جااااااااااامد اخر حاجه تسلم ايديكي ياقمرررررررررر ودا اللي بيحصل فعلا بس البنات هبل شويه

بس يا بت ما تفضحيناش ايه اللي هبل
لا ده احنا بس رومانسيين وطيبين زياده عن اللزوم
وان جيتى للحق زماننا ده كلحاجهفيه اتقلبت والبنات هما اللي بقوا بيضحكوا ع الولاد ويستغفلوهم والولاد هما اللي بقيوا طيبيييييييييييين

ههههههههههههههه

شكرا لمرورك الجميل يا مى

نورتى التوبيك يا جميل

شكرا لمرورك الجميل يا مصطفي

هههههههه
موضوع جميل يا ملك


تسلم الايادي

انتى الاجمل يا قمر
نورتوى التوبيك

كده يا ملك تفرحي مصطفي فينا ويقول بنات اخر زمن احسن نبقي هبل ومظلومين ولا شياطين واحنا اللي بنلعب عليهم هتبقي انتي والاولاد والزمن علينا

بس بردو متقوليش هبل انا بوريهم بس ان البنات قادرة ومحدش يعرف يضحك عليها واكيد مصطفي يعنى مش قصده اننا شياطين

hhhhhhhhhhhhhhhhhhhhhhhhhhh sha3'aal ya malak w gamed gdn el topic w ana m3 mero en elbanat habla mn kotr elteba ne3ml eh feha bs el teba de elly mwdyana wara w enty elly matefd7enash e7na feen b nest3'alhom dol shayateen ya mama w rakzy yz bnty w teslm edekyyyyy da7akteny bgd

وانا كمان معاكم خلاص
دى البنات دى قطط مغمضة
حلو كده يا ميرو انتى وسلمى انا تحت امركوا
منورييييييييييييييين المنتدى
ربنا يخليكم ليا